KIA Masat (7) Dap Dung ginra kaw gasat gala majan byin
KIA Masat (1) Dap Ba, Masat (7) Dap Dung ginra, Putao Ginwang, Tang Ja mare makau kaw May shata 30 ya shani hkying 11:30am aten hta KIA hte Gumshem Myen hpyen hpung ni gasat gala majan byin ai lam chye lu ai.
May shata 29 ya jahpawt hkying 8:35am aten hta mung, KIA Masat (7) Dap Dung ginra, Putao kawn yu wa ai Myen hpyen la htaw Mawdaw (2) hpe KIA Masat (7) Dap Dung hpyen hpung ni Lung Sha Yang hte Hpakma lapran Alen Hka makau kaw hkap gap ai kawn gasat gala majan byin ai.
KIA Masat (8) Dap Dung ginra, Ba Mauk, Man Htung Myen Balik Dap hpe May shata 29 ya jahpawt hkying 1:30am aten hta KIA Masat (35) Dap Dung hpyen hpung ni sa htim gasat zing la ai lam chye lu ai.
May 29 ya shana maga hkying 4:20pm aten hta gaw, KIA Masat (14) Dap Dung ginra, Daru mare grup yin hta Gumshem Myen hpyen ni nbungli (2) hte bawm wa jahkrat ai majaw, Daru hpaji jawng wan hkru mat ai lam nga ai.
May shata 29 ya jahpawt hkying 8:00am aten hta mung, KIA Masat (9) Dap Dung ginra, Na Noi hte Na Wai lapran kaw TNLA, MNDAA pawng hpawm hpyen hpung ni hte Gumshem Myen hpyen hpung ni gasat gala majan byin ai lam na chye lu ai.
Photo; Fb
