KIA Masat 8 Dap Ba ginra Myen hpyen dap ni nbungli hte gap gasat
FILE PHOTO: A H-6K bomber flies over Tiananmen Square during a military parade to mark the 80th anniversary of the end of World War Two, in Beijing, China, September 3, 2025. REUTERS/Tingshu Wang/File Photo
KIA Masat 8 Dap Ba ginra hta gumshem Myen hpyen dap ni nbungli hte wa gap gasat ai lam chye lu ai.
October shata 27 ya shani hkying 1:00pm aten daram kaw nna, Masat 8 Dap Ba, Masat (35) Dap Dung ginra hta Myitkyina kaw na rawt lung wa ai, gumshem Myen hpyen dap Y-12 nbungli hte bawm (30) lang daram wa jahkrat gap gasat ai lam, lit nga ai salang ni tsun ai.
Bawm wa gap gasat ai hta mungshawa hkra hkala ai hte dum nta hten za mat ai lam nga nnga hpe nchye lu ai rai nna, ndai ginra hta gasat gala majan byin ai lam nnga ai kaw gumshem Myen hpyen dap ni nbungli hte wa gap gasat ai re lam chye lu ai.
Gumshem Myen hpyen dap ni gaw ndai laman Hpakant, Waimaw Lamyang, Langse hte Manmaw ginra ni hta nbungli hte gap gasat ai lam shani shagu ngu na galaw nga ai majaw, mungshawa si hkala ai hte dum nta ni hten za hkrum nga ai lam chye lu ai.
