KIA Masat 8 Dap Dung ginra hta gasat gala majan matut byin

Mungmyit Sinli Ga (Kachin Sub-state), KIA Masat (4) Dap Ba, Masat 8 Dap Dung, Kung (3) ginra hta September shata 28 ya jahpawt hkying 7:16am aten kawn 8:47am aten laman, KIA ni Sinli Kawng Ra n pu Pang O hkaraw kaw ginra check jasan hkawm ai ten, gumshem Myen hpyen hpung ni hte ang katut gasat gala majan byin ai lam shawng lam lit nga ai Salang ni kaw na chye lu ai.

Gasat gala majan byin ai shara de Namdu kaw dap jung nga ai Hk.M.Y (324) dap ni kaw nna, 105mm ngu maram lu ai sinat kaba hte (12) lang gap bun ai lam chye lu ai.

September shata 26 ya shani kaw nna, dai shara hta KIA hte gumshem Myen hpyen dap ni gasat gala majan matut byin nga ai rai nna, KIA Masat (10) Dap Ba ginra hta mung gasat gala majan byin ai hpe chye lu ai.