KIA ni gumshem Myen hpyen ni hpe hkap shingla gasat

KIA Masat (3) Dap Ba, Masat (27) Dap Dung ginra, gumsem Myen hpyen hpung ni hpe KIA hpyen hpung ni May shata praw 8 ya jahpawt hkying 9:20am aten hta Mung Hkawng mare makau kaw, bawm hte hkap shingla gasat ai lam chye lu ai.

KIA Masat (9) Dap Ba, Masat (44) Dap Dung ginra hta mung, May shata praw 5 ya jahpawt hkying 7:40am aten e, Nam Ya kaw na lung wa ai gumshem Myen hpyen dap ni hte KIA hpyen hpung ni gasat gala majan byin ai lam nga ai re.

Gumshem Myen hpyen dap Hk.M.Y (385) Dap Up hte Masat (28,30) na Dap Up lawm ai pawng hpawm hpyen n-gun (200) jan gaw, Nam Ya kaw na hpung 2 garan nhtawm, rawt wa ai hpe Dap Dung (44) hpyen hpung ni hkap nga ai kaw gale pru wa ai majaw, hkap gap ai kawn gasat poi byin ai lam chye lu ai.