KIA ni nga ai maga de Myen hpyen ni sinat kaba gap bun

KIA Dap Ba ( 3 ) Dap Dung ( 1 ) ginra, Lung Ja Kawng kaw dung ai Myen hpyen dap ni, November 24 ya shana hkying 10:30pm hte hkying 11:00pm aten ni hta KIA hpyen hpung ni nga ai Dansa Pa maga de sinat kaba 82mm hte ( 5 ) lang gap bun ai lam, ginra shisawk ni shana wa ai kaw na chye lu ai.

Mungmyit Sinli Ga ( Kachin Sub-State ) KIA Dap Ba ( 6 ) Dap Dung ( 36 ) ginra kaw shamu shamawt nga ai Myen hpyen dap Hk.M.Y ( 220 ) na hpyen hpung hte KIA Dap Dung ( 38 ) na hpyen hpung ni, November 34 ya shani hkying 1:00pm aten hta Ta Dwi mare baw kaw gasat majan byin ai lam, shawnglawm shisawk ni kawn chye lu ai.

November 23 ya shani hta mung, KIA Dap Ba ( 4 ) Dap Dung ( 8 ) ginra, Nam Kai kaw nga ai Myen hpyen hpung hte Bang Law mare kaw nga ai Panse Pyi Tu Tsit ( P.T.Ts ) ni Mung Yu mare de sinat kaba gap bun ai hta salang Aik Awng a nta hte Jan Jang E a shat gawk kaw pala wa hkrat kapaw ai.

Dai pala wa hkrat kapaw ai hta masha ni kaw hkala nba lam gaw nnga ai raitim, nta shakum malawng mat ai, shat gawk ni hten mat ai lam chye lu ai.