KIA, SSPP pawng hpawm hpyen hpung hte Myen hpyen dap ni gasat gala majan byin

Mungmyit Sinli Ga ( Kachin Sub-state ) KIA Dap Ba 6 Dap Dung 36 ginra hta shamu shamawt du nga ai Myen Dapnu 99 kata na hpyen n gun 100 daram hte KIA, SSPP pawng hpawm hpyen hpung ni April shata 21 ya shana maga hkying 3:30pm aten hta gasat gala majan byin ai lam chye lu ai.

Myen hpyen hpung ni gaw KIA, SSPP/SSA pawng hpawm hpyen hpung ni nga ai shara Kai Du Kawng hte Bau Noi bum de htu shadut lung wa ai majaw gap hkat ai re lam, shawng lam shi sawk ni shana wa ai.

Dai na hkying 6:00pm aten hta mung, Dapnu 99 kata na hpyen hpung ni hte sha, KIA Dap Dung 36 Kung 1 hpyen hpung ni Lung Hkang Bum kaw gasat poi matut byin ai lam chye lu ai.