KIA uphkang ginra de, n-gu jak sau dut ginlen lam n galaw na matu, Myen asuya ni mungshawa ni hpe zuphpawng woi galaw

Sinna Ginwang Ginjaw, KIA Dap Ba ( 2 ) uphkang ginra, Danai ginwang daw Sumbwi Yang mare, Myen asuya mare uphkang rung kaw, November 10 ya shani hkying 10:00am aten kaw na hkying 11:00am aten laman Myen asuya ႒ာနဆို္င္ရာ na magam gun ni kawn mare masha marai 100 daram hpe zuphpawng woi galaw ai lam, buga na salang langai shana wa ai.

Dai zuphpawng hta tsun ai gaw, “KIA uphkang ginra gaiwang de N-gu hte Jak sau ni hpe dut ginlen shalai ai lam n galaw lu na, galaw wa yang ja ja ahkyak la na” ngu tsun ai lam chye lu ai.

Grau nna gaw laiwa sai June shata hta KIA Dap Dung ( 14 ) ginra, N-ga ga de majan byin wa ai kaw na Myen hpyen dap ni kawn N-gu hte Jak sau htaw shalai ai modo ni hpe hkum pat wa ai re nga nna, Danai buga masha ni tsun ai kawn chye lu ai.