KIO Asuya uphkang ginra na tsang 10 jawngma ni san poi htai
Wunpawng Mungdan Shanglawt Asuya KIO uphkang ginra na jawg ni tsang 10 san poi hpe March 13 ya shani kaw nna htai hpang nga sai lam chye lu ai.
2016-2017 hpaji ladaw na tsang 10 san poi htai ai jawngma yawng marai 840 tup htai nga sai lam, Ginjaw Hpaji Dap a Ningtau Amu Madu Hpaji Du Lahpai Gam Maw tsun ai kawn
chye lu ai.
Laiwa sai shaning hta gaw tsang 10 san poi hpe March 20 ya jan de she htai ai re. Dai ning gaw masa lam amyu myu a majaw, tsang 10 san poi hpe jau san shajin ai re lam chye lu ai.
