KIO Ginjaw Ginra de Myen hpyen dap ni suicide drone hte wa gap gasat
KIO Ginjaw Ginra, Laiza grup yin de gumshem Myen hpyen dap ni suicide drone hte wa gap gasat ai lam chye lu ai.
February shata 25 ya shana daw hkying 2:00pm aten daram hta Myitkyina maga na sa wa ai, gumshem Myen hpyen dap suicide drone Laiza grup yin de wa gap gasat ai lam, ginra masha ni tsun ai.
Suicide drone masum lung wa ai kaw na lahkawng gaw, Laiza grup yin hta wa gap gasat ai raitim, masha hkra hkala ai lam nnga ai rai nna, langai gaw Lai Sin maga de lung mat wa ai lam chye lu ai.
KIA Masat (9) Dap Ba, Masat (6) Dap Dung ginra hta mung, February shata 24 ya shana hkying 12:30pm aten daram, gumshem Myen hpyen dap ni nbungli lahkawng hte bawm mali lang wa jahkrat gap gasat ai lam, shawnglam lit nga ai salang ni kaw na chye lu ai.
Ya aten Manmaw ginra hta gasat gala majan laja nga ai aten, gumshem Myen hpyen dap gaw, gasat gala majan nbyin ai shara ni hta nbungli drone ni hpe jai lang let, gap gasat ai lam ni ding yang galaw nga ai re hpe mung chye lu ai.
