KIO ginjaw Laiza Muklum kaw ရွစ္ေလးလုံး အေရေတာ္ပုံ masat ninghtoi hpawng galaw
Laiza Muklum Janghtung Lahkum Bum hta August praw 8 ya shani hkying 10:00am aten, ABSDF jawngma dap ni a 29 ning hpring ရွစ္ေလးလုံး အေရေတာ္ပုံ masat ninghtoi hpawng lamang hpe ေဒါင္းစစ္သည္ ခန္းမ kaw galaw ai lam chye lu ai.
Hpawng lamang hta မ.က.ဒ.တ dawnghkawn hte asak ap nawng mat wa sai Bunggyi hte Jawngma ni hpe baw gum hkungga jaw ai lam galaw nna, shawnglam hta galaw sa wa na magam bungli a matu, Rev. Sai La Rip akyu hpyi ya ai.
မ.က.ဒ.တ ေျမာက္ပုိင္းစစ္ေဒသေကာ္မတီ Lit Hkam ရဲေဘာ္ La Seng kaw na hpawng hpaw mungga hpe shaga ai. Du Kaba Zau Tawng hku nna mung, n-gun jaw, hpaji jaw mungga shaga ya ai.
Ndai lamang galaw ai hte seng nna, ေျမာက္ပုိင္းစစ္ေဒသေကာ္မတီ Lit Hkam ရဲေဘာ္ La Seng tsun ai hta “ ျမန္မာ့ဆိုရွယ္လစ္ လမ္းစဥ္ပါတီ ( မ.ဆ.လ ) ngu ai Party langai lailen hku na up hkang ai a marang, anhte Myen Mung gaw grai matsan mat sai. Shanhte up hkang ai mung, ginghka ginran rai, up hkang ai majaw, jawngma ni kata hta byin ai manghkang hpe shanhte hparan jasan ya ai shaloi n seng n ang ai hku hparan ya ai, 1988 March 13 ya shani Yangon Jak Dakkasu hta jawng lung nga ai ဘေမာ္ hte စိုုးႏိုင္ shan lahkawng hpe hpyen dap na hpyenla ni gap sat kau ai kaw na grau grau kaba wa ai re. Dai shaloi she 1988 August prw 8 ya hta gaw, Mungdan ting hpyen gumshem lailen hpe nra ai kumla hpe jawm madun ga, anhte a shawang myit hta kaning re rawng ai hpe hpaw tsun dan ga ngu ai majaw, ndai Myen mungdan hta shanu nga ai anhte Wunpawng sha ni mung lawm ai, Mungdan ting hta nga ai mungshawa yawng myithkrum mangrum rai na, hpyen gumshem hpe rawt malan ai, kaja wa nan mung, 1974 ning hta gawda ai tara Constitution hpe gang je kau ai aten du mat ai hku rai nga ai. Ndan re ma hkra gaw mungshawa a n-gun re dai hpe myit dum ai, hpyen gumshe ni Mungdan a ahkaw ahkang hpe zing na Mungdan hpe up ai, mungshawa ni yawng jawm rawt malan na awngdang ai raitim hpang jahtum hpyen dap kaw na bai Mungdan a ahkaw ahkang hpe bai zing kau ai majaw, dai ni 29 ning du hkra raitim mung, dai ten hta mungshawa ni hpyi shawn ai hpe nlu la shi ai. Matut na anhte a rawt malan hkrun lam hpe naw galaw sa ra ai, ndai mungdan kata hta hpyen gumshem lailen tsep kawp tsai mat hkra, jawm gasat ga ngu n-gun la ai lamang hpe jawm galaw ai re” nga tsun ai.
ရဲေဘာ္ေယာရူ kaw nna gaw, ရွစ္ေလးလုံး အေရေတာ္ပုံ byin wa ai labau ni hpe tsun sanglang dan ai, RCSS/SSA hte ရဲေဘာ္သန္ခဲ shagun ai laika ni hpe ရဲေဘာ္ႏုိ္္္္္္္္္္္္္္္္္္္င္ထြန္းထြန္း kaw na hti shana ai lam galaw ai.
Hpawng hta, saw shaga da ai Laiza Muklum up hkang salang ni hte magam dap na salang ni, rawt malan dap na AA ni, mungshawa kanu kawa ni, shanglawm ai lam chye lu ai.
