KIO hpung pati ningmu jahpaw hpawng galaw
KIO ginjaw laksan Laiza Muklum pati komiti ni woi awn nhtawm, KIO hpung pati ningmu jahpaw hpawng hpe, September praw 7 ya jahpawt hkying 8:00am aten hta Laiza lahta tsang jawng wang Rawt Ninghkawng Gawknu kaw galaw ai lam chye lu ai.
Pati ningmu jahpaw hpawng hpe September praw 7 ya shani kaw nna praw 9 ya shani du hkra, masum ya galaw na re. Hpawng hpaw mungga hpe Laiza Muklum uphkang du salang kaba Sabaw La Zau kaw na tsun ai hta KIO hpung pati galu kaba wa na matu hte hpung shang masha law law hpe gahkyin lu na matu yaw shada ai re, nga nna tsun ai.
Ginjaw komiti ningtau ninggawn amu madu salang kaba Labang Doi Pyi Sa kaw nna, pati ningmu jahpaw hpe sharin ya ai, sharin hkam la ai masha yawng marai ( 50 ) jan re.
Du wa na shata man 9 shing nrai shata man 10 hta gaw, pati shang sai masha ni hpe majat jaw ai wunkat mung bai galaw na re lam, laksan Laiza Muklum pati komiti amu madu salang kaba Lasi Naw Htoi Ja tsun ai hpe chye lu ai.
