KIO hpung shang masha ga shaka hkam la hpawng galaw

Wunpawng Mungdan Shanglawt Hpung Ginjaw Rung Party Komiti a majat jaw hte Ga Shaka hkam la zuphpawng hpe Laiza Muklum, Mung Seng Yang Hpaga Hka kau, Tsawm Jat

Gawknu hta February, 23 ya shani hkying 10:00am aten kawn hkying 1:00pm aten laman galaw ai lam chye lu ai.

Party majat jaw mungga hpe Ginjaw Komiti Ningtau Ninggawn Amu Madu Salang Labang Doi Pi Sa kaw nna, Wunpawng Mungdan Shanglawt Hpung ( KIO ) hpe greng grak ngang kang nna, masan sa awngdang ai mungmasa hpung byin tai wa hkra woi awn hkrang shapraw sa wa ai lam, masha shagu hta mungdan gawgap ai hta Mungmasa Hpung ngu ai ga hkaw gaw, grai ahkyak ai bungli rai nna nnga nmai n galaw yang nmai ai bungli kaba re lam tsun sanglang dan ai lam chye lu ai.

Ga shaka hkam la ai hpung shang masha La marai ( 5 ), Num marai ( 3 ), yawng marai ( 8 ) re lam zuphpawng hta du sa ai masha yawng marai ( 71 ) re hpe chye lu ai.

KIO hpung party hpe 1960 ning October, 25 ya shani hta hpaw ninghtan dat ai mungmasa Party hpung re hpe mung chye lu ai.