KIO uphkang ginra kata Quarantine hkamla ai masha jahpan

KIO uphkang ginra kata na hkamja lam jep chyoi dabang ni hta July 22 ya shani hkam ja lam masam maram hkamla ai masha marai (142) nga ai lam hkamja lam jep chyoi dabang lit nga ai Salang ni kaw na chye lu ai.

Mai Sak Pa hkamja lam jep chyoi dabang kaw marai (6), Mung Lai Hkyet hkamja lam jep chyoi dabang kaw marai (24), Laiza Muklum Myitkyina Hotel Quarantine dabang kaw marai (24), Sinpraw Ginwang Ginjaw Mai Ja Yang hkamja lam jep chyoi dabang kaw marai (79), Manmaw Ginwang Lana Zupja hkamja lam jep chyoi dabang kaw marai (9), yawng marai (142) nga ai rai nna, Pa Jau Sha-it Yang hkamja lam jep chyoi dabang hte Hpalap Naru hkamja lam jep chyoi dabang kaw ya aten hkam ja lam masam maram Quarantine hkamla ai masha nnga ai re hpe chye lu ai.

KIO uphkang ginra kata COVID-19 ana zinli makawp ninghkap tara ni hpe hkan sa shatup na matu July shata (31) ya shani du hkra nhtoi jat masat da ai lam nga ai rai nna, hkamja lam masam maram Quarantine hkamla nhtoi hpe nhtoi 5 ya masat da ai lam, Ginjaw COVID-19 Ana Zinli Makawp Ninghkap Komiti kaw na chye lu ai.