KIO uphkang ginra kata Qurantine hkam la nga ai masha marai 211 nga sai
KIO uphkang ginra kata na hkamja lam jep chyoi dabang ni hta June shata 11 ya shani du hkra rai yang hkamja lam masam maram hkam la nga ai masha yawng marai 211 nga ai lam chye lu ai.
Mai Sak pa hkamja lam jep chyoi dabang kaw marai (18), Mung Lai Hkyet hkamja lam jep chyoi dabang marai (27), Alen Bum hkamja lam jep chyoi dabang kaw marai (54), Pajau Sha-it Yang hkamja lam jep chyoi Dabang kaw marai (5), Hpalap Naru Hkamja Lam Jep chyoi dabang kaw marai (4), Sinpraw Ginwang Ginjaw Mai Ja yang Hkamja lam jep chyoi dabang kaw marai (41), Manmaw Ginwang, Lana Zupja hkamja lam jep chyoi dabang kaw marai (62) yawng marai ( 211) nga ai re hpe Hkamja Lam Jep Chyoi Dabang lit nga ai Salang ni kaw na chye lu ai.
KIO uphkang ginra kata hkamja lam jep chyoi dabang 8 hpaw da ai hta Dum Bung Hkamja lam jep joi dabang hta ya aten hkamja lam masam maram hkam la ai masha nnga ai re.
KIO uphkang ginra kata Covid-19 ana zinli makawp ninghkap ai ten masat jahkrat da ai tara ni hpe hkan sa na matu June (15) ya shani du hkra nhtoi masat tawn ai lam nga ai re hpe chye lu ai.
