KIO/KIA ningbaw kaba usa Du kaba Mali Zup Zau Mai Madu Yesu hta yup pyaw mat
Wungpawng Mungdan Shanglawt Hpung Ginjaw Komiti Tingnyang Up Wunpawng Mungdan Shanglawt Hpung Kongsi Ningbaw kaba usa Du kaba Mali Zup Zau Mai asak 81 ning gaw, October 27 ya jahpawt hkying 5:30am aten hta Yangon Asia Tawwin tsi rung kaba kaw Madu Yesu hta yup pyaw mat wa sai lam chye lu ai.
Du kaba a moi mang hpe dai ni Yangon kaw nna Myitkyina shatapru dum nta de htaw du wa sai. Makoi mayang akyu hpyi ai hpe November praw 1 ya shani galaw nna hkum tsawp moi mang hpe gaw Jaw Bum hkristan lupding lup ra de makoi mayang na re.
Du kaba Mali Zup Zau Mai gaw, KIO Tingnyang up lit hpe 1994 ning August shata praw 8 ya shani kaw nna 2001 ning February 20 ya shani du hkra gun hpai lai wa sai re lam chye lu ai.
