KNO ningbaw Du Wa Bawmwang La Raw si wai mat
Kachin National Organazetion (KNO) ningbaw Du Wa Bawmwang La Raw gaw, October shata (16) ya shani, mungkan ga na ana zinli a majaw, England Mungdan Bedford tsi rung kaw si wai mat wa sai lam chye lu ai.
Dai ni October shata 19 ya shani hkying 1:00pm aten hta Myitkyina Shatapru shi a dum nta kaw makyin jinghku ni hte yawnhkyen shalan shabran akyu hpyi hpawng galaw ai lam chye lu ai.
Du Wa Bawmwang La Raw gaw, Myu tsaw myit mung tsaw myit grai kaba ai wa rai nna, amyu sha lawt lu lam hte maigan du Wunpawng amyusha ni hpe mung woi awn zinlum ai amyusha ningbaw langai rai nga ai.
Wunpawng Mungdan Shanglawt Hpung Ginjaw Komiti kaw nna mung, yawn hkyen lahpu laika hpe ndau da ai hpe chye lu ai.
Wunpawng Mungdan Shanglawt Kongsi, Ningbaw Malai Lat Du Daju Jum Sumlut Gun Maw kaw nna mung, Du Wa Bawmwang La Raw hpe hkungga jaw dat ai lam, masha law law n galaw lu ai magam bungli kaba hpe galaw lai wa nit dai, ya gaw Madu a lahpyen hta simsa nga nu ga law hkungga jaw let, nga nna ka da ai hpe mung mu chye lu ai.
