Kokang hpyen hpung ni hte Myen hpyen hpung ni gasat gala majan matut byin
Kokang ginra, Hawng Ai hte La Bar Chai lapran kaw February shata 12 ya jahpawt hkying 8:00am aten hta MNDAA Kokang hpyen hpung ni hte Myen hpyen dap Dapnu 99 kata na hpyen hpung ni gasat gala majan matut byin ai lam chye lu ai.
Ndai Myen hpyen hpung ni hte sha, lai wa sai February 9 ya shani hta mung, Mungmyit Sinli Ga ( Kachin Sub-state ) KIA Dap Ba 10 Dap Dung 17 ginra Gangming Loidau Ginwang Man Mak sinpraw maga Banggaw bum sa ra kaw gasat gala majan byin ai re.
Myen hpyen hpung ni KIA Dap Ba 10 Dap Dung 2 ginra hte Dap Dung 17 ginra ni hta hpyen n gun 200 jan daram shamu shamawt hkawm nga ai lam, shawng lam shi sawk ni kawn chye lu ai.
