KSCU dakkasu jawng a 2026 ning hpaji ladaw hta jawng lung mayu ai jawngma ni a matu shawk shawn form hkapla sa wa sana
KSCU dakkasu jawng a 2026 ning hpaji ladaw hta jawng lung mayu ai jawngma ni a matu, shawk shawn form hpe hkapla sa wa sana re lam chye lu ai.
November shata praw 3 ya shani kaw nna, Ginjaw Ginra kaw hpaw sharin nga ai, Kachin State Comprehensive University (KSCU) dakkasu jawng hta jawng lung laika hpaji sharin mayu ai jawngma ni, shawk shawn form mai bang sai lam, jawng magam gun ni kaw na chye lu ai.
Jawng lung na jawngma ni gaw, Shanglawt Asuya tsang (10) awng da sai ni, laiwa sai 2020 ning shawngdaw Myen mung tsang (10) san poi awng da sai ni, Myen mung ginra de dakkasu lung nna nlu lung matut mat ai jawngma ni, GED hte IGCSE zawn re awng lakmat lu da ai jawngma ni kadai raitim, seng ang ai jawng rung de form sa la nna shawk shawn mai sai lam chye lu ai.
KSCU dakkasu jawng hta School of Medical Sciences, School of Nursing Sciences, School of Technology, School of Economics, School of Agriculture hte School of Arts and Sciences ginhpan ni hpe sharin ya nga ai hta madu myit ra ai major hpe lata la nna, shawk shawn mai sai lam chye lu ai.
