KSCU jawng garan Mai Ja Yang hta hpaw sharin sa wa na
Kachin State Comprehensive University (KSCU) jawng garan hku nna, Mai Ja Yang hta hpaw sharin sa wa lu na matu, hkyen shajin galaw nga ai lam KSCU jawng magam gun ni kaw na chye lu ai.
Sinpraw Ginwang Ginjaw hte ni kahtep ai hkan nga ai ni a matu, Mai Ja Yang kaw mung hpaw sharin sa wa na rai nna, Mai Ja Yang Center kaw KSCU jawng a shawk shawn from ni hpe la nhtawm, October shata nhpang hkrat ai sha shawk shawn mai ai lam KSUC jawng a Vice Chancellor Dr. Aung Ko Lin tsun ai.
KIO jawng ni hta Diploma tsang sharin da ngut sai jawngma ni tinang ra ai ginhpan ni hta shawk shawn mai ai hte Myen Dakasu Third Year hte Final pang sharin daw da ai jawngma ni mung tinang lung taw nga ai pang ni hta shawk shawn mai ai lam Sara matut tsun ai.
Laiza KSCU jawng hte KSCU jawng garan Mai Ja Yang jawng hta sharin aten jawngma langai lani mi hkying hkum kru, nhtoi (15) ya yawm htum sharin hkamla ra na rai nna, malu masha hte nga shara ni hpe jawngma ni hparan lajang la ra na lam, daining na jawng lung ladaw a matu san poi hpe December shata praw kaw san na re lam chye lu ai.
