Kukang ginra hta gasat gala majan matut byin
Lahta Sammung Kukang ginra, Miwa mung hte jarit matut ai, Yanlung Jai hte Lauk Kai shara ni hta March 14 ya shana hkying 9:00pm aten daram du hkra MNDAA hpyen hpung hte
Myen hpyen hpung ni laja lana gasat gala majan naw byin nga ai lam na chye lu ai.
Gasat gala majan matut manoi byin nga ai majaw, dai ginra na mungshawa ni, Miwa Mung kata de hpyen koi yen ding yang rai nga ai majaw, Miwa Asuya ni kawn deng ( 125 ) shara kaw hpyen yen dabang hpaw ya ai hta ya aten dai shara e masha marai 30,000 jan du nga sai lam, Miwa Asuya kawn malu masha hte buhpun nba ni hpe garum jaw nga ai lam buga masha ni tsun ai kawn chye lu ai.
Ya aten hta Lauk Kai ginra na masha pru shang gate hte Gunlung, Ting Ni, Lashio lam mayan hkan Myen hpyen hpung ni laja lana jep san nga ai lam buga masha ni tsun ai kawn chye lu ai.
