Kuthkai kaw Myen hpyen dap ni nbungli bawm wa jahkrat bun ai majaw, mungshawa si hkala hkrum

Kuthkai Muklum kata gumshem Myen hpyen dap ni nbungli hte bawm wa jahkrat gasat ai majaw, mungshawa si hkala hkrum ai lam chye lu ai.

July shata 30 ya jahpawt jau hkying 12:50am aten daram hta Kuthkai Muklum kaw gumshem Myen hpyen dap ni nbungli hte wa gap gasat ai majaw, mungshawa marai (5) asak si sum nna, marai (9) hkala hkrum ai  lam, ginra masha ni kaw na chye lu ai.

Nbungli bawm gaw Kuthkai Muklum lawk (2) ၇ာစုသစ္ hotel ntsa kaw wa hkrat kapaw ai hta makau grup yin hkan na nta ni hta mung kapaw hkra ai majaw, dum nta ni htenza mat ai sha n-ga, mungshawa ni mung si hkala hkrum ai lam chye lu ai.

Ya aten hkala hkrum ai mungshawa ni hpe tsi tsi lajang ai lam galaw nga ai rai nna, gumshem Myen hpyen dap ni gaw gasat gala majan byin ai lam nnga ai kaw ya na zawn, bawm wa jahkrat gap gasat ai re lam chye lu ai.