Mungmyit Sinli Ga ( Kachin Sub-State ), KIA Dap Ba ( 4 ) Dap Dung ( 8 ) ginra, Kuthkai kaw nga ai Pyi Tu Tsit hte Myen hpyen hpung ni, June 11 ya shana hkying 10:30pm aten hta Zup Awng hpyen yen dabang na mungmasha marai ( 7 ) hte Bang law mare na mungmasha marai ( 30 ) yawng marai ( 37 ) hpe ေပၚတာ lahkawn nna, Ga Leng maga de woi mat ai lam na chye lu ai.
June 12 ya jahpawt hkying 8:00am aten hta Zup Awng hpyen yen dabang na marai ( 7 ) hpe gaw bai dat ya sai lam, ngam ai marai ( 30 ) hpe naw woi hkawm nga ai re lam, buga masha ni shana wa ai kawn chye lu ai.
