Kutkai Chyum Hkawlik hte Waimaw Chyum Jawng ni 2020-2021 jawng lung ladaw htawt sit ai lam ndau laika shapraw
Jinghpaw Wunpawng Chyum Hkawlik rai nga ai Kutkai chyumjawng hte Waimaw chyum jawng ni kaw nna 2020-2021 ning, jawng lung shaning htawt sit ai lam hte ginhtawng sharin lamang ni nnga sai lam April shata 27 ya shani hta ndau laika shapraw da ai re.
Covid-19 ana zinli a majaw, mungkan masha ni hte rau Myen mungdan mung myit hki lit li hkrum sha nga ga ai re. Ndai Covid-19 kapbra ana zinli a majaw Waimaw chyum Jawng hte Kutkai Chyum Jawng ni a 2020-2021 jawng lung shaning nhtoi hpe htawt sit ai re lam chye lu ai.
KTC, Kutkai hte Waimaw Chyum Jawng ni a Summer Course sharin lamang ni yawng hpe jahkring da sai rai nna, jawng lung ladaw a jawng hpaw ai lam hpe gaw Mungdan Asuya kawn ndau shana ai hta hkan nna she, bai ndau shana wa na re lam, ndau laika hta tsun da ai.
Jawng shang san htai (Entrance Exam) hpe jawng hpaw nhtoi a shawng shani hta galaw mat wa na re. Master of Divinity (M.Div), Master of Ministry (M.Min), Bachelor of Theology (B.Th) hte Licentiaten of Theology (L.Th) program ni yawng Entrance Exam shang ra na lam, Entrance Exam a shawng (2) ya hta tau hkrau nna jawngma hte jawng shang Form rau du ra na lam ndau laika hta tang madun da ai kaw na chye lu ai.
