La Sang Awng Wa a ginra de gumshem Myen hpyen dap ni hpyen shamu shamawt nga ai majaw mungshawa ni hkrit tsang nga
Gumshem Myen hpyen dap n-pu, Lawa Yang P.T.Ts Ningbaw La Sang Awng Wa nnga mat ai hpang shi ginra de, gumshem Myen hpyen dap ni hpyen shamu shamawt du shang wa ai majaw, mungshawa ni hkrit tsang nga ai lam chye lu ai.
December shata praw maga kaw nna, La Sang Awng Wa a shara rai nga ai, Gwi Htu, Nawng Hking, Laban, N Gan ginra ni hta gumshem Myen hpyen dap n-gun 100 lam hte hpyen shamu shamawt du shang wa ai majaw, gasat gala majan byin wa na hpe mungshawa ni hkrit tsang nga ai lam, ginra masha ni kaw na chye lu ai.
Dai gumshem Myen hpyen dap ni gaw laiwa laisa mungshawa ni hpe gumhpraw hta sha ai lam, laja lana shawk jep, jahkrit shama ai lam ni galaw nga ai sha n-ga, mungshawa ni hpe gap sat ai mabyin du hkra byin wa sai lam chye lu ai.
Gasat gala majan a majaw Waimaw ginra na mungshawa 1000 lam gaw, La Sang Awng Wa naw nga ai aten shi ginra de hpyen koi yen wa ai hta shi nnga mat ai hpang ndai zawn gumshem Myen hpyen dap ni hpyen shamu shamawt du shang wa ai rai nna, gasat gala majan bai byin wa na hpe mungshawa ni hkrit tsang nga ai lam chye lu ai.
