Lahu Se P.T.Ts dap hpe KIA zing

KIA Masat (1) Dap Ba, Putao Ginwang kata dap jung nga ai, Lahu Se P.T.Ts dap hpe KIA ni zing madu la lu ai lam chye lu ai.

December shata 15 ya shana daw hkying 6:00pm aten daram hta Putao Ginwang, Hkawnglang Hpu de lung wa ai lam Lahu Se mare na, P.T.Ts dap hpe KIA pawng hpawm hpyen hpung ni gasat zing madu la lu ai lam, lit nga ai salang ni kaw na chye lu ai.

Lahu Se P.T.Ts dap hta hpyen n-gun 100 daram nga ai rai nna, KIA pawng hpawm hpyen hpung ni htim gasat wa ai aten, yawng hprawng pru mat wa ai re lam chye lu ai.

Matut nna Manmaw, Nmawk ginra hta KIA pawng hpawm hpyen hpung ni hte gumshem Myen hpyen dap ni December shata praw 4 ya shani kaw nna, shani shagu gasat gala majan laja lana matut byin nga ai lam chye lu ai.