Laili laika hte htunghking hpung komiti gram lajang ai lam galaw
Oplus_131072
Manwing ginra kata laili laika hte htunghking hpung komiti bai gram lajang ai lam hpe Manwing kaw galaw la lu sai lam chye lu ai.
January shata praw 3 ya shani hkying 11:00am aten hta Manwing laili laika hte htunghking hpung ni komiti bai gram lajang ai lam galaw ai rai nna, magam gun ningnan ni hpe tang san ai lam ni hpe galaw la lu sai lam, ginra masha langai tsun ai.
Laiwa sai aten hpyen masa mung masa lam amyu myu a majaw, gram lajang ai lam nlu galaw ai rai nna, htunghking hte seng nna jahkrup bawngban ra ai lam nga wa yang na matu bai gram lajang ai re lam chye lu ai.
Manwing ginra laili laika hte htunghking hpung kata sinpraw de Sam Mung jarit, sinna de Bang Htan, dingdung de Baw Noi du hkra lawm ai re lam chye lu ai.
Hpawng hta Manwing ginra kata na laili laika hte htunghking hpung magam gun ni, myitsu kam ram ai mungshawa kanu kawa ni sa du shanglawm ai hte galaw la lu sai lam chye lu ai.
