Laiza buga ramma ni kawn (21) lang na ramma masat ninghtoi hpe masat masa galaw ai, mask garan jaw
Photo Credit; Mawshwi Zau Awng
Manmaw Ginwang, Laiza buga hpung ramma ni kaw nna (21) lang na KBC ramma masat ninghto hpe masat masa galaw ai hku nna, buga kata laiwa laisa mungshawa ni hpe n gup magap mask garan jaw ai re lam, chye lu ai.
(21) lang na KBC ramma masat ninghtoi hpe masat masa galaw ai hku nna n gup magap mask garan jaw ai yaw shada lam gaw,
Anhte ramma ni shada hkau chyap wa lu na matu, daw jau ai magam bungli myit jasat grau na rawng wa na matu hte shada garum shingtau ai lam ni chye galaw wa na matu ngu, Laiza ramma hpa-awn Shadang lahpai zai Dan ya na zawn tsun dan ai.
Laiza buga ramma ni gaw ramma masat nhtoi hta maza hta ai lamang, hka hkawng hka nawng jasan jaseng ya ai lamang, lam nmaw san seng san pan lam ni hpe shaning shagu galaw nga ai rai nna, dai ning gaw shawng ningnan n gup magap mask garan jaw ai lamang hpe galaw ai re.
Photo Credit; Mawshwi Zau Awng
Ndai lamang hpe October shata praw 10 ya shani hta hkying 10:00am daram aten kaw nna shana daw hkying 2:00pm aten du hkra mask garan jaw ai lamang hpe galaw ai re.
Lamang hta ramma yawng 40 daram shang lawm ai rai nna shara 5 masat let laiwa laisa mungshawa ni yawng hpe mask garan jaw ai rai nhtawm ndai mask ni hpe, Machya Entertaintment wuhpung ni kaw nna garum ya ai re lam chye lu ai.
