Laiza Buga Sasana Jawng hpe hpaw sharin nga sai
Laiza buga sasana jawng hpe Laiza buga hpung ni hku nna woi awn let June shata 13 ya shani kaw na hpaw sharin sa wa sai re.
Sasana jawng hpaw ai a yaw shada lam hpe Laiza buga hpung, ningbaw ningla hte hpaji shalat komiti hpa-awn rai nga ai Rev. Lahpai Naw Seng ya na zawn tsun ai.
“Anhte a ma ni hpe hpaji hta arang bang nna, hpaji apu pu si wa ai, Karai Kasang hpe hkrit hkungga ai, hkamja zetlet ai, myitsu ai, manu dan ai, mungdan a matu mung akyu rawng ai, ningbaw ningla ni tai wa u ga, nawku hpung a matu mung kamhpa mai ai kashu kasha ni, kanu kawa yawng a matu janmau tai ai ma ni byin tai wa u ga”
2023-2024 ning hpaji ladaw hta KG hte Grade 1 du hkra hpaw sharin nna, jawngma yawng marai 64 tup rai nhtawm, sharin sr./srn. yawng marai 7 hte sharin nga sai re lam chye lu ai.
