Laiza de shang wa ai lam hpe pat da
Ginjaw COVID-19 Ana Zinli Makawp Ninghkap Komiti kaw nna, October shata praw 1 ya shani kawn laiza de shang wa ai lam ni hpe pat hkum da sai lam ndau laika kaw na chye lu ai.
Ndau laika hta “Maisak Pa gate shinggan kaw nna kata de shang wa ai ni yawng hpe tsepkawp pat hkum dat ai. Kadai hpe mung shang wa na ahkang n jaw sai, Kun rai hte kaga arung arai htaw ginlen shang wa ai Mawdaw, Cycle kaji kaba yawng hpe mung pat hkum dat ai lam hte Shat seng hte kaga lu sha seng ni hta mung hpawng majaw dut sha ai lam kadai n galaw lu na Parcel htuk la ai ladat hpe jai lang lu na” nga ndau da ai.
Ya na zawn ndau laika shapraw da ai hta hkan sa shatup ai lam n nga ai kadai hpe raitim, ahkyak la sa wa lu ma matu, ding yang jep chyoi nga na re lam hpe chye lu ai.
COVID-19 kap bra ana gaw, anhte a buga ginra makau de lani hte lani grau sawng wa sai re majaw, anhte a buga de n du shang lu na matu, Mungchying mungshawa hte Dap shawa yawng, n shut n shai hkan sa shatup lu na matu, aten n masat pat hkum sai re.
Jinghpaw Mung kata hta mung COVID-19 ana kap ai machyi masha marai 45 du nga sai rai nna, ana hkyamsa wa ai majaw tsi rung yu ai masha marai 13 nga ai lam chye lu ai.
