Laiza grup yin gumshem Myen hpyen dap ni sinat kaba hkrup mara gap bun

Laiza grup yin Munglai Hkyet mare kaw October shata 30 ya jahpawt hkying 1:00am aten, gumshem Myen hpyen dap ni sinat kaba hkrup mara gap bun ai lam nga ai.

Dai gumshem Myen hpyen dap ni gaw, Hkaya Bum kaw dap jung nga ai ni rai nna, 120mm ngu maram lu ai sinat kaba hte gap bun ai rai nhtawm, masha hkra hkala ai lam n nga ai re lam ginra masha langai tsun ai.

Sinat kaba (5) lang gap bun ai hta masum hkrat kapaw ai dai hpang, Jet nbungli lahkawng Laiza grup yin hta pyen gawoi hkawm nhtawm, KIA Masat (3) Dap Ba, Masat (15) Dap Dung ginra, Lung Ja Bum maga de bawm wa jahkrat ai lam chye lu ai.