Laiza Muklum Pati Komiti Tingnyang Up, gawdin ninggang kashun ginsup lamang galaw

Laiza Muklum Pati Komiti Tingnyang Up, gawdin ninggang kashun ginsup poi hpe May shata 15 ya shana daw hkying 2:00pm aten hta Laiza Muklum Pati Salang ni woi awn nhtawm, Zup Awng Sim Sa gawdin pa kaw galaw la lu sai lam chye lu ai.

Ning-gang kashun lamang hta gawndin hpung yawng (18) rai nna, la gawdin hpung (12) hte num gawdin hpung (6) re. First Prize hpe lap (1,500,000), Second Prize hpe lap (1,000,000), Third Prize hpe lap (800,000) shagrau ai.

Ginsup lamang hta ninggang masat lu ai gawdin hpung ni gaw, la ginsup hpung na Laiza Muklum Pati ni No. (1), Mung Seng Yang ni No. (2), Laiza Lawk 1 ni No. (3) rai nhtawm, num ginsup hpung ni gaw, Laiza Lawk 1 ni No. (1), Laiza Lawk 3 ni No. (2), Laiza Lawk 5 ni No. (3) lu ai lam chye lu ai.

Ndai ginsup lamang hpe lai wa sai April shata 26 ya shani kaw nna, ginsup hpang nhtawm dai ni May shata 15 ya hta gaw, ninggang kashun ginsup poi hpe galaw la lu sai re.

Gawdin ninggang kashun ginsup lamang hta Magam Dap, Makan Dap hkan na myitsu Salang ni hte mungshawa kanu, kawa, ramma ni sa du yu n-gun jaw ai lam chye lu ai.