Lam hkawm shawa n-gun madun ai mungshawa ni hpe Myen Balik ni Raba pala hte gap bun ai majaw masha marai 21 hkala hkrum
Kaya Mungdaw Loikaw Muklum kaw Bochuk Aung San a hkrang bung gumra jawn sumla jun ai hpe nra sharawng nna lam hkawm shawa n-gun madun ai mungshawa ni hpe Myen Balik ni Raba pala ni hte gap bun ai majaw masha marai 21 hkala hkrum ai lam chye lu ai.
Kaya Mungdaw Loikaw Muklum ကႏၵာေဟ၀န္ nampan sun kaw jun da ai Bochuk Aung San a hkrang bung magri sumla hpe Karenni ramma ni a myithkrum myitra lam nlawm ai sha jun ai hpe nra sharawng ai hte Kaya Mungdaw Hkringmang Daju U Eh Phawng Shou hte Mungdaw gumhpraw dum Hkringmang U Mawmaw yan hpe tingnyang kaw na yu ya na matu masha marai 5,000 jan lam hkawm n gun madun ninghkap ai re.
Ya na zawn lamhkawm ninghkap shawa n gun madun ai hpe Myen Balik dap ni gaw jahkring shangun ai raitim Karenni mungmasha ni nhkring ai sha matut hkawm lung wa ai majaw ya na zawn Raba pala hte gap hkrum ai re.
Dai na de hkying 3:00pm aten hta mung, Yangon Muklum kaw nga ai ramma wuhpung ni mung Karenni ramma ni hte rau tsap let, Bochuk Aung San a ga sadi hpe hkrang shapraw ya na matu lam hkawm shawa n gun madun ai lam galaw ai hpe chye lu ai.
