Lamyang ginra gasat gala majan byin
Waimaw Lamyang ginra hta KIA hte gumshem Myen hpyen dap ni gasat gala majan byin nga ai lam chye lu ai.
August shata 26 ya jahpawt hkying 7:00am aten daram kaw nna, Waimaw Lamyang grup yin hta KIA pawng hpawm hpyen hpung ni hte gumshem Myen hpyen dap pawng hpawm hpyen hpung ni gasat gala majan laja lana byin nga ai lam chye lu ai.
Gasat gala majan byin nga ai hta gumshem Myen hpyen dap ni nbungli hte bawm (4) lang wa gap gasat ai hta ya aten lahkawng maga na hpyen masa gara hku naw rai nga ai hpe matut sagawn nga ding yang re.
Matut nna Hpakant hte Manmaw ginra ni hta mung, gumshem Myen hpyen dap hte KIA pawng hpawm hpyen hpung ni shani shagu ngu na gasat gala majan byin nga ai hta nbungli, drone, laknak kaba ni hte mung ding yang wa gap gasat nga ai majaw, gasat gala majan matut manoi laja nga ai lam chye lu ai.
