Lanam Hpungtsin Futsal gawdin ninggang hpaw hpawng galaw
Wunpawng Mungdan Shanglawt Asuya, Ninggawn Daju ginsup komiti kaw nna, woi awn let June shata 19 ya jahpawt hkying 7:00am aten hta Nazerath Zinlawng Futsal gawdin ginsup pa kaw galaw la lu sai.
Hpawng hta salang kaba Wala Gum Ja Du kaw nna, hpawng hpaw mungga tsun ai hta “Ramma ni nanghpan tsin yan kaw nna lawt tawt lu let hkamja zet let ai hte myit masin, myit masa kunghpan ai gawdin ninghkring ni byin tai wa let tengman tara rap ra ai lam hta gwi gwi shang tsap ginsup sa wa ga” nga nna tsun ai.
Lanam Hpungtsin Futsal gawdin ninggang ginsup lamang hta la ginsup hpung (34) hte num ginsup hpung (8) rai nna, ginsup wuhpung yawng (42) ginsup sa wa na re.
Gawdin ninggang ginsup hpawng lamang galaw ai a yaw shada lam hpe Ninggawn Daju ginsup woi awn komiti, salang kaba Nhkum Pan Htoi Awng ya na zawn tsun ai.
“Ramma ni ka-ni nanghpan kaw nna hkoi tsai wa lu na matu, hkamja bawng ring ai ramma ni byin tai wa na matu hte anhte a ginra hta e ginsup ai lam kaw ningtawn ai ginsup ninghkring ni byin pru wa na matu re”
Ginsup hpawng lamang hpe gaw, June shata 19 ya kaw nna, June shta 27 ya shani du hkra ginsup sa wa na re. Hpawng hpaw hku nna 7 FC ni hte laknak kaba FC la ginsup hpung ni shawng ginsup hpang na re lam chye lu ai.
