Lapu hka hpyen man kaw gasat majan byin
KIA Dap Ba ( 2 ) Dap Dung ( 14 ) ginra hta shamu shamawt nga ai Myen hpyen hpung hte KIA hpyen hpung ni February 12 ya shani hkying 11:45am aten hta Lapu hka hpyen man kaw ang katut gasat gala majan byin ai lam, shawnglam na salang langai shana wa ai.
Myen hpyen dap ni gaw Kawng Ra mare hte Mung Hawm kaw nna, KIA ni nga ai maga de, laknak kaba hte ding yang gap bun nga ai lam salang wa tsun ai.
KIA Dap Dung ( 14 ) ginra, Pat Maw maga na pru wa ai lauban ni hpe mung, D.K.Ts hpyen dap de shaga la nhtawm, kadai hpa galaw ai gara hku galaw ai lam ni hpe san jep nna atsawm ntsun dan jang ပုဒ္မ ၁၇/၁ hte ahkyak la na ngu tsun shagyeng ai lam chye lu ai.
