Lawa Jau Ginwang, San Petru Nawku jawng htingshawn hte ginlung hkristmas poi lamang galaw
Lawa Jau Ginwang, San Petru Nawku jawng htingshawn hte ginlung hkristmas poi lamang hpe Hpaga kahtawng kaw December shata 26, 27 ya shani galaw ai lam chye lu ai.
Hpawng lamang hta Sagu rem wa, Wa Saradaw Francis Daw Tang, Wajau N-lam Tu Awng, Wajau Tu Hkawng, Wajau Langa Tu Mai, Wajau Mung Mai ni marai 5 mung sa du shang lawm ai rai nna, Lawa jau ginwang, Hpaga kahtawng kaw hpung htinggaw 10 sha nga ai raitim hpung masha ni myit hkrum shakut shaja let San Petru nawku jawng hpe gaw gap la lu ai majaw, nawku jawng htingshawn chyeju shakawn hte ginlung hkristmas poi lamang hpe galaw ai re lam Ma Ma Lahkang Roi Ji tsun dan ai kaw na chye lu ai.
Shana na lamang hta yu ngwi ninghkring ni a yu ngwi pinra lamang hpe galaw na re lam chye lu ai.
Lawa jau ginwang hta buga hpung 10 jan nga ai rai nna nawku jawng dingshawn hte ginlung hkristmas poi lamang hta nawku hpung masha ni yawng marai 1000 jan sa du shang lawm ai lam chye lu ai.
