Lawa mare kaw gasat gala majan byin

Hpakant ginra Lawa mare kaw KIA hte gumshem Myen hpyen dap ni gasat gala majan byin ai lam chye lu ai.

March shata 25 ya jahpawt hkying 10:00am aten daram hta Lawa mare kaw dap jung shara jahkrat nga ai, gumshem Myen hpyen dap pawng hpawm hpyen hpung ni hte KIA ni gasat gala majan byin ai lam, chye lu ai.

Gumshem Myen hpyen dap pawng hpawm hpyen hpung ni gaw, March shata 22 ya shani kawn, Lawa mare kaw dap jung shara jahkrat nga ai rai nna, ya aten lahkawng maga hpyen masa shaja hkat nga ai lam chye lu ai.

Waimaw ginra hta mung gumshem Myen hpyen dap ni hpyen n-gun, htu shadut jat bang ai lam ni ding yang galaw nga ai majaw, KIA hte gasat gala majan ni jahkring hkring byin nga ai lam chye lu ai.

Manmaw ginra hta mung KIA pawng hpawm hpyen hpung ni hte gumshem Myen hpyen dap ni gasat gala majan byin ai shata (3) jan sai rai nna, gumshem Myen hpyen dap ni gaw nbungli drone ni hte shani shana ninghkap gap gasat nga ding yang re ai hpe matut chye lu ai.