Lawa mare kaw gumshem Myen hpyen dap ni shara la shang nga
Kamaing ginra Lawa mare kaw gumshem Myen hpyen dap ni shara la shang nga ai lam chye lu ai.
March shata 22 ya shana daw hkying 3:30pm aten daram kaw nna, Lawa mare kaw gumshem Myen hpyen dap hte P.T.Ts pawng hpawm hpyen hpung ni sinat kaji kaba gap shangoi let du shang shara la wa ai lam, ginra masha ni kaw na chye lu ai.
Dai gumshem Myen hpyen dap ni gaw, Dum Bang Hk.L.Y (297), Dum Bung Hk.L.Y (381, 282), Jahtu Zup Hk.L.Y (297), Wara Zup Min Zay Thant P.T.Ts, Namti hte Mogawng Ts.K.Hk (3) pawng hpawm hpyen hpung ni re ai hpe chye lu ai.
Gumshem Myen hpyen dap pawng hpawm hpyen hpung ni gaw, Lawa mare lam lapran mu ai U, Wa, Dumsu ni hpe gap sat la ai lam ni galaw ai rai nna, Lawa mare hte Hkum Tsai Yang mungshawa ni mung hpyen hprawng yen nga ai lam chye lu ai.
Matut nna Hpakant hte Waimaw ginra ni hta mung, gumshem Myen hpyen dap ni hpyen shamu shamawt n-gun htu shadut ai lam ni ding yang galaw nga ai majaw, KIA pawng hpawm hpyen hpung ni hte gasat gala majan byin nga ai hpe chye lu ai.
