Lunghkang buga hta galaw ai ramma ginsup hpawng galaw la ngut

Uru Seng Maw Ginwang Ramma Komiti ni woi awn nhtawm, 12 lang na ginsup hpawng lamang hpe, Lunghkawng buga hkalup hpung nawku jawng wang hta December shata praw 4 ya shani kaw nna dai ni praw 6 ya shani du hkra, 3 ya tup galaw la lu sai lam chye lu ai.

Ginsup hpan ni gaw, Gawdin Fulsal, Ta din, num/la Ka din, U mun, num/la Tabletinnis, num/la Tsaw de kahkan hte Gang de kahkan shing jawng ginsup hpan ni re.

Ginsup lamang galaw ai a yaw shada lam hpe Sara Galau Kyang Bawm (Uru Seng Maw Ginwang Ramma Hpu-awn) kaw nna tsun ai hta “Moi anhte a hpu shawng hpu ba ni woi awn lai wa ai hpe anhte ni hkrang bai shapraw asak jahkrung taw nga ai dai hpe mahta nna, buga langai hte langai myit hkrum kahkyin gumdin let wuhpung wuhpawng a magam bungli ni hpe grau nna galaw lu na matu, anhte a ginra gaw ka-ni nanghpam tsa chyaru grai law ai shara re. Dai majaw Ka-ni nanghpam tsa chyaru kaw na lu koi yen hkra ndai ginsup lamang hpe galaw nga ai re” nga nna tsun ai.

Uru Seng Maw Ginwang kata kaw buga 26 hta laksan ginra 3 lawm ai, ginsup lamang hpe laning mi hta kalang galaw ai rai nna, 12 lang na ginsup hpawng hta buga 18 na ramma n gun yawng marai 500 jan shang lawm ai lam chye lu ai.

Photo; Facebook