Lung seng gat hpaw sa wa na lam hte seng nna Hpakant Ginwang Chyurum Wunpawng Htunghking Hpung ni hte hkrumzup hpawng galaw

ဖားကန္ ့ျမိဳ ့နယ္ ေက်ာက္မ်က္ရတနာလုပ္ငန္းရွင္မ်ားအသင္း kaw nna Hpakant ginra kaw tara shang lung seng gat hpaw sa wa lu na matu hkyen lajang ai lam hta, Hapkant Ginwang Chyurum Wunpawng Htunghking Hpung ni jawm garum madi shadaw lu na matu, shada mahkri shawn hkrumzup bawngban hpawng hpe January shata 26 ya shani ဖားကန္ ့ ေက်ာက္မ်က္ရတနာလုပ္ငန္းရွင္မ်ားအသင္း wang kaw galaw la lu sai lam chye lu ai.

Hpawng hta, Hpakant Ginwang Chyurum Wunpawng Htunghking hpung magam gun ni marai 12 sa du shang lawm ai rai nna, lung seng gat galaw na shara sa du gawan ai lam, lung seng gat hpaw poi lamang hte seng nna ntsa lam jahkrup bawngban ai re lam, Salang Maran Zau Shan Lum (Hpakant Ginwang Chyurum Wunpawng Htunghking Hpung Ningbaw) tsun ai.

Lung seng gat numshang hpe mung Wunpawng maka kumla manau shadung hpe jai lang nna galaw na matu, numshang (hkap tau la ga ai) hpe pawnghpawm Jinghpaw laika hte yawng a ntsa kaw ka shakap nhtawm, ngam ai English, Miwa hte Myen laika ni hpe npu kaw ka bang na matu bawngban jahkrup da ai lam chye lu ai.

Lung seng gat hpe Hpakant hte Seng Tawng lapran Yuma lawk kaw galaw na matu hkyen lajang nga ai rai nna, hpaw poi lamang hpe COVID-19 ana zinli masa hta hkan nna galaw sa wa na matu yaw sing da ai lam chye lu ai.

Lung seng gat galaw ai lam gaw, Hpakant ginra kaw nga ai Wunpawng amyusha ni a lu lawm lam hte seng ai re ngu mu mada ai majaw, lung seng gat hpaw ai mung hkrak na re ngu mu mada n-gun jaw lawm ai re lam, Hpakant Ginwang Chyurum Wunpawng Htunghking Hpung ni tsun ai kaw na chye lu ai.

Photo Credit; Hpakant Ginwang Chyurum Wunpawng Htunghking Hpung