Lung Seng nhkun ntsa kaw na nlung hkrat bun ai majaw Mungshawa marai ( 1 ) asak si sum

KIA Dap Ba ( 9 ) Dap Dung ( 6 ) ginra, Seng Tawng Ngwi Pyaw Daw Lawk kaw shanu nga ai kasha marai ( 3 ) a chyinghkai kawa rai nga ai Hpung Ningbaw Hpungtau Hkangda Tu Mai gaw March praw,1 ya shana daw hkying 4:30pm aten hta lung seng nhkun sa gawan ai shaloi ntsa de na nlung baw kaw wa hkrat bun ai majaw n nga mat sai lam sara langai tsun ai kawn chye lu ai.

Ngam nga ai hkum tsawp moi mang hpe March praw, 4 ya laban shani hkying 2:00pm aten hta makoi mayang na re lam na chye lu ai.