Lungseng tam ai mungmasha 1 hpe Myen hpyenla ni gap sat
Hpakant, Nam Maw စမ္းေရြႊ lungseng company ni a shara kaw ေရမေဆး tam ai mungmasha 1 hpe November shata 19 ya shana maga hkying 3:00pm aten daram hta company kaw sin ai Myen hpyenla 1 sinat hte gap sat kau ai lam chye lu ai.
Gap sat hkrum ai wa gaw shadang ေအးသန္း asak 35 ning ( Rakhine ) amyu sha rai nna, Nam Maw mare lawk 3 kaw nga ai re. ေအးသန္း gaw company ni bungli rai nhkring shi ai aten lungseng nhkun de shang tam wa ai majaw, dai kaw sin ai hpyenla wa gaw hkum shang shi ngu tsun ai hpe nmadat ai lungseng shang tam wa ai majaw gap ai re lam, Seng Tawng mare na salang langai tsun dan ai.
Shadang ေအးသန္း hpe gap sat ai hpang dai makau kaw nga taw ai ေရမေဆး la ni gaw company ni a Pajero langai hte company masha ni rawng ai nta kaba langai hpe mung wan nat jahten kau ya ai lam, salang wa matut tsun ai.
Ya na zawn Hpakant ginra hta lungseng tam ai masha ni hte company kaw shimlam la ya ai hpyenla ni jahkring hkring manghkang byin nga ai re hpe chye lu ai.
