Lungseng tam ai Wunpawng La kasha langai hpe Myen Balik ni sinat hte gap hkra
Hpakant, Maw Mau Bum mare de lung wa ai lam makau na ေကာင္းစုရတနာ Company hpe sin ai Myen Balik ni gaw, October shata 15 ya jahpawt hkying 8:15am aten daram hta company makau kaw lungseng tam nga ai Wunpawng la kasha langai hpe sinat hte gap hkra ai lam, Maw Mau Bum mare na salang langai shana wa ai.
Sinat gap hkrum ai shadang sha gaw, Namti Kanla lawk kaw nga ai salang Wahkau Yaw hte jan, Sing Yawng Ja Lu yan a kasha Shadang Wahkau Sut Hting Naw Asak 19 ning re lam, pala hkra ai shara gaw pai magyi hte hkra lahkru kaw re hkala sawng ai majaw, Hpakant tsi rung kaw nna shalai dat nhtawm, Myitkyina tsi rung kaw tsi tsi hkamla nga ai lam, salang wa tsun dan ai.
Lai wa sai shaning hta mung, ya na zawn lungseng company kaw sin ai Myen Balik ni Maw Wan kaba mare baw kaw lungseng tam nga ai Wunpawng salang langai hpe mung sinat hte gap hkra nna asak si sum mat ga sai lam, salang wa matut tsun ai kawn chye lu ai.
