Mai Ja Yang Dakkasu jawng ni hta jawng lung na jawngma ni Scholarship shawk shawn mai
Mai Ja Yang Muklum kata hpaw sharin nga ai, Dakkasu jawng ni hta jawng lung na jawngma ni, World Kachin Congress (WKC) hta Scholarship shawk shawn mai ai lam chye lu ai.
Mai Ja Yang Muklum kata hpaw sharin nga ai, Institute of Liberal and Sciences ILAS jawng, Mai Ja Yang Institute of Education IED, Mai Ja Yang Collage hte Federal Law Academy jawng ni hta hpaji sharin hkamla na jawngma ni May shata praw 2 ya shani kaw na shata htum du hkra, Scholarship shawk shawn mai ai lam ndau da ai re.
2024- 2025 ning hpaji ladaw a matu Scorlarship jaw sa wa na rai nna, Scholarship shawk shawn na jawngma ni gaw, Wunpawng Mungdan hte Amyu sha gawgap ai magam bungli hta ta tut shanglawm shakut na ni rai ra na re lam chye lu ai.
Shawk shawn laika pa ni hpe hpaji@wkckachin.org (snr) WKC Facebook page, WKC website www.wkckachin.org hta download la mai ai rai nna, Mai Ja Yang Muklum, Karum Zinghkri (KRZ) rung ni hta mung lu la mai ai lam chye lu ai.
WKC kaw nna Scholarship jaw ai lam hpe lai wa sai 2021- 2022 ning jawng lung ladaw kaw garum hpang wa ai gaw, 2024- 2025 hta rai yang mali ning rai sai lam chye lu ai.
