Mai Ja Yang mare komiti ni woi awn nna ginsup pa hpaw poi lamang hte ramma ni a gawdin shing jawng ai lamang galaw
Mai Ja Yang mare komiti ni woi awn nna ginsup pa hpaw poi lamang hte ramma ni a gawdin shing jawng ai lamang hpe Mai Ja Yang IED jawng lahta, lawk 5 hte lawk 2 lapran kaw December shata 23 ya shani hpaw hpang ai rai nhtawm, gawdin ninggang kashun ai lamang hpe 2020 ning January praw 1 ya shani galaw sa wa na re lam chye lu ai.
Lamang a yaw shada ai lam gaw Mai Ja Yang mare a shawng nnan hpaw hpang ai ginsup pa hpe hkalum ai masat dingsat hku nna woi ginsup ai lam re hte shaning nnan hpe hkap tau ai ginsup lamang mung re, ndai zawn ginsup pa hpaw ai lam hte woi ginsup ai lam ni gaw ya dai ni na nanghpam malu masha hpe woi ning hkap ai masa re hte htawm hpang na ma ni dan hkung ai, mungkan hta dan dawng ai ma ni byin tai wa mu ga ngu ai yaw shada lam re nga nna Mai Ja Yang lahta tsang jawng magam gun rai nga ai, ginsup komiti ningbaw Sara Lahpai Hkun Hpung tsun ai.
Ginsup poi lamang hta Mai Ja Yang ramma ni group A hte group B, Sut maden group, laksan Mai Ja Yang gaiwang group hte Dap Ba 3 group ni shang lawm shingjawng ai lam chye lu ai.
