Majan a majaw Ku Kang ginra na mungshawa ni hprawng yen

Lahta Sammung Ku Kang ginra hta gasat gala majan byin nga ai majaw, mungshawa ni Miwa hkran hte Lashio maga de hpawng yen nga ai lam na chye lu ai.

Miwa hkran maga de hprawng yen ai mungshawa marai hkring lam du nga sai rai nna, Lashio maga de gaw tsa kahtap rai sai lam, ya aten hta malu masha hte nga shara yakhkak jamjau

nga ai lam buga masha ni kawn chye lu ai.

Ku Kang MNDAA hpyen hpung hte Myen hpyen hpung ni March 6 ya shani kawn Laukai Muklum hte makau grup yin ginra ni hta laja lana gasat hkat ai a marang e mungshawa nkau si hkala ai mung lawm ai lam na chye lu ai.

Ya aten hta Myen hpyen dap ni n-gun jat dingyang rai nga ai majaw, majan matut laja wa na masa nga ai hpe mungshawa ni hkrit tsang nga ai lam na chye lu ai.