Mali hka kaba wa ai majaw Myitkyina myo hte shara shagu de hka lim wa

Lamu marang htu ai majaw July shata 10 ya shani Mali hka kaba wa nna Myitkyina myo hte shara shagu de hka lim shang wa ai lam chye lu ai.

Myitkyina myo kata rai nga ai Myo Tit Gyi hkan Hka shang wa ai, Mawdaw lam hkan du hkra hka ni hkrai rai nna hkawm sa hkawm wa yak hkak nga ai nga nna Myitkyina Myo na salang langai tsun dan ai.

Waimaw ginwang, Labang Kahtawng hte Nawng Hkying sa lam de mung Hka shang wa nna Mungshawa ni hkawm sa hkawm wa yak hkak nga ai lam chye lu ai.

July praw 10 ya shani hta sha Danai myo kata hta mung Hka lim shang wa ai majaw Mungshawa ni hte yi, sun, hkauna galaw sha ai ni hkawm sa hkawm wa yak hkak ai sha n ga jawng ma ni mung jawng sa jawng wa mayak mahkak hkrum nga ai lam na chye lu ai.