Mali, Nmai Hka madim ninghkap lam hkawm shawa n-gun madun hpawng galaw
Mali, Nmai hka madim hpe tsep kawp dawm jahkring kau na matu masha n-gun marai hkying 7000 daram shang lawm nna February shata 7 ya jahpawt hkying 10:00am aten kaw nna shani ka-ang hkying 12:00pm jan aten du hkra lam hkawm shawa n gun madun ai lam na chye lu ai.
Lam hkawm ai hpe rai nhpang shi yang Shatapru manau wang kaw shawng zup la nna makam masham hpung woi Sara ni hte Buddha Bunggyi ni mung shang lawm let akyu hpyi la ai. Dai hpang rit kawp tara ni hpe tsun dan ai. Blast ( Jan Pan ) yu ngwi ning hkring ni mung Mali Hka ngu ai mahkawn hte shangwi shapyaw ya ai.
Dai hpang manau wang kaw nna masat 1, masat 2 gat lam, mungshawa tsi rung lam hku hkawm gawai nna manau wang kaw bai du zup ai.
Lam hkawm ai n-gun madun ai hta ျမစ္ဆုံ၊ ျမစ္ညွာ၊ ျမစ္ဝွမ္း၊ ေရကာတာ စီမံကိန္း မ်ားအျပီး အပိုင္ဖ်က္သိမ္းေရး၊ ေဒသခံျပည္သူမ်ား မူလေနရပ္သို့ လြတ္လပ္စြာ ေနထိုင္ခြင့္ ရရွိေရး ၊ ဧရာ၀တီျမစ္ထာ၀ရ လြတ္လပ္စြာ စီးဆင္းေရး၊ ျပည္သူ့အသက္အိုးအိမ္ဆံုးရွံူးမည့္ ေရကာတာ အလုိမရွိ ၊ ျပည္သူ့ဆႏၵလံုး၀မပါေသာ စီမံကိန္းမ်ားအားလံုး အလုိမရွိ၊ ျမန္မာနိုင္ငံ၏ အသက္ေသြးေျကာ ဧရာ၀တီျမစ္ကို ေရကာတာေဆာက္လုပ္ျခင္း အလုိမရွိ nga ai pyen dau ni lang nna marawn tsun ai lam chye lu ai.
Lam hkawm shawa n-gun madun ai majaw dai hpe lit la woi awn ai Saranum Nhkum Ja Hkawn hpe Myen Balik Dap kawn sadi jaw laika jaw ai lam chye lu ai.
Dai sadi jaw laika hte seng nna Saranum Nhkum Ja Hkawn ya na zawn tsun ai. “Shanhte ni gaw ndai galaw ai lam hpe ahkang njaw ai naw ninghkap ai, lamang galaw ai lam ahkang hpyi ai kaw nlawm ai nga ai laika ngai kaw du taw sai. Ahkang hpyi ai lam gaw galaw sai re, anhte ni gaw baw kaw shakap ai No Myitson Dam nga ai ma, mi gaw n-gup hte sha marawn ga ngu ai wa masha nau law, ndang marawn mat na jak ni lang kau ai, dai majaw sadi jaw ai ga rai nga ai. Tara jawat da hkra gaw nrai shi ai, raitim hpang e gara hku nga wa na kun gaw n chye ai” nga tsun dan ai.
