Mali Nmai Hka madim ninghkap n gun madun hpawng hpe Sawqlaw hte Chihpwi na mungshawa ni galaw na
Mali Nmai Hka hte Ngaw Chang Hka hta galaw sa mat na hka madim 8 hpe ninghkap na matu Chihpwi myo, Nmai hka hte Chihpwi hka mazup kaw du wa na nhtoi 14 ya shini shawa n gun madun hpawng galaw hkyen nga ai lam chye lu ai.
Sawqlaw hte Chihpwi mung shawa ni gaw du wa na nhtoi 14 ya shini hta ang ai Mungkan Hkashi HKanu nhtoi hpe shading nna Hka madim ninghkap n gun madun hkyen nga ai hte shawa n gun madun hpawng lu galaw na matu seng ang ai Asuya de ahkang hpyi laika shawk shawn da ai lam chye lu ai.
Ndai n gun madun hpawng hta akyu hpyi ai lamang ni, kraw hkrat ga si ni hte ninghkap laika ni hpe galaw sa mat wa na re lam buga masha ni kaw na chye lu ai.
Laiwa sai aten hta Mali Nmai zup hte Nmai hka kaw madim 4, Ngawq Chang hka kaw madim 4 galaw hpang wa ai kaw U Thein Sein Asuya lak htak hta madim ni hpe gan jahkring tawn da ya ai re. Ya aten hta miwa Company ni gaw mali hka madim ni hpe bai galaw na matu ladat amyu myu shaw nga ai re lam chye lu ai.
