Man Je Muklum kata gumshem Myen hpyen dap ni hpyen shamu shamawt shara la nga

Mam Je Muklum kata gumshem Myen hpyen dap ni hpyen n-gun law law hte shamu shamawt shara la nga ai lam chye lu ai.

April shata 29 ya shani kaw nna, Man Je Muklum kata gumshem Myen hpyen dap ni hpyen n-gun tsa lam hte mare lam numbraw shara shagu hte mungshawa ni a dum nta hkan shara la nga ai lam, ginra masha langai tsun ai.

Dai gumshem Myen hpyen dap ni gaw, gara hpyen hpung ni re nchye ai, galoi ten du hkra nga taw na nchye ai, dai majaw mungshawa ni mung hkrit tsang nga ai re, ya aten tinang shimlum ai shara hkan hpyen koi yen nga sai lam, salang wa matut tsun ai.

Ndai zawn gumshem Myen hpyen dap ni hpyen n-gun law law hte shadut nna, hpyen shamu shamawt hkawm nga ai majaw, gasat gala majan matut laja wa mai ai lam, shawng lam lit nga ai salang langai tsun ai.